PD ka ironizuar sot, me vendimin e Byrosë së Kuvendit, për përjashtimin 5 ditë, të kreut të këtij grupi parlamentar, nga punimet e Kuvendit.
Reagim i ka ardhur nga Sekretarit të Përgjithshëm të Partisë Demokratike, Arben Ristani.
“Çfarë do bëjë byroja, do përjashtojë popullin?”, ka ironizuar Ristani.
Sipas tij, Paloka s’bëri asgjë më shumë se sa nuk lejoi kampionët e korrupsionit, që sikurse kanë vjedhur miliona me tendera e koncesione, të vidhnin edhe foltoren e Kuvendit.
“Populli është në revoltë ndaj Beqajs, ndaj Ramës, dhe ndaj kusarëve të tij.
Siç doli sot në rrugë dhe tentoi ti bllokojë rrugën drejt zyrës ku ndan koncesionet dhe milionat me klientët e tij”, u shpreh midis të tjerave Sekretari i Përgjithshëm të PD, Arben Ristani.
Deklarata e plotë e Sekretarit të Përgjithshëm të PD, Arben Ristani
“Çfarë do bëjë byroja, do përjashtojë popullin?
Byroja e Kuvendit, si bijëz besnike e byrosë së dikurshme, përjashtoi sot kryetarin e grupit parlamentar të PD-së, Edi Paloka, i cili nuk lejoi një tjetër abuzim të Ilir Beqajs, kësaj radhe në Kuvend, kur kërkoi me arrogance të vjedhë edhe foltoren e parlamentit.
Pasi ka vjedhur miliona euro në shëndetësi, pasi ka vjedhur miliona euro me firmën e tij private që kap çdo tender të qeverisë, pasi trafikon vendet e punës sipas interesit personal dhe të partisë, Ilir Beqaj, kampioni i korrupsionit të Edi Ramës, tentoi të vjedhë dhe fjalën në parlament.
Reagimi i Edi Palokës është thjesht shprehja, pasqyrimi i revoltës së popullit për këtë simbol të hajdutërisë dhe abuzimit.
Populli është në revoltë ndaj Beqajs, ndaj Ramës, dhe ndaj kusarëve të tij.
Siç doli sot në rrugë dhe tentoi ti bllokojë rrugën drejt zyrës ku ndan koncesionet dhe milionat me klientët e tij.
Çfarë do bëjë byroja, ka ndërmend të përjashtojë popullin?”.
