Shumë pak orë na ndajnë nga finalja e madhe e Eurovisionit. Jonida Maliqi do të performojë e dyta sot me këngën “Ktheju Tokës”.
Artistja shqiptare u vlerësua nga të gjithë për fuqinë e saj vokale dhe falë votave të publikut arriti të kalonte në finale.
Emocionet janë të mëdha miqtë dhe familjarët e Jonidës kanë shkuar në Izrael për ta mbështetur. Ajo ka publikuar në “Instagram” një foto në të cilën shihet se ka pozuar përkrah nënës, motrës, mbesës dhe të afërmve të tjerë.
Këngëtarja ka publikuar në video të një tavoline të mbushur me ëmbëlsira, të cilat ajo i ka të ndaluara t’i konsumojë, sepse nuk ndikojnë mirë në kordat e zërit. “Më ndihmojnë shumë familjarët dhe miqtë…S’më lejohet sheqeri këto ditë për kordat e zërit”, ka shkruar Jonida.
