Me parullën e madhe “Shteti hesht, ne guxojmë “, aktivitstët e LGBT-së kanë zhvilluar paradën e tyre.
18 maji shënon ditën e paradës të Krenarisë, një marshim simbolik që synon ndërgjegjësimin e njerëzve mbi të drejtat që kanë dhe që duhet të kenë anëtarët e komunitetit LGBT.
Edhe sot, njerëz që i përkasin këtij komuniteti kanë marshuar në Tiranë, në parkun Rinia për të mbrojtur të drejtat e tyre.
Të drejtat LGBT në Shqipëri janë të garantuara nëpërmjet legjislacionit kundër diskriminimit.
Shqipëria konsiderohet si një vend konservator, specifikisht në reagimet publike lidhur me të drejtat e personave LGBT si dhe vizibiliteti i tyre në sferën publike. Gjithsesi legjislacioni kundër Diskriminimit që Shqipëria ka miratuar e ka shtyrë Shoqatën ILGA-Europe ta cilësojë Shqipërinë si një nga shtete e pakta në Europë që e ndalon me ligj diskriminimin me bazë identitetin gjinor.
