Autoritetet amerikane kanë konfirmuar se 9 persona kanë humbur jetën pas zjarrit që përfshiu një magazinë e cila përdorej nga artistët në Oakland të Kalifornisë, ndërkohë që është paralajmëruar se bilanci real i viktimave mund të jetë afro 40.
Zyrtarët raportuan se në momentin që nisi zjarri në godinë kishte 50 deri në 100 persona të cilët po përgatiteshin për të ndjekur një koncert muzikor, por disa prej tyre arritën që të dilnin në kohë nga ndërtesa.
Megjithatë, ende nuk dihen shkaqet që cuan në këtë tragjedi. Hetuesit janë shprehur se deri më tani nuk asnjë provë që të vërtetojë se bëhet fjalë për zjarrvënie të qëllimshme.
Por pavarësisht kësaj ata janë nënvizojnë se nuk duan të përjashtojnë asnjë mundësi deri në momentin që të kenë përfunduar investigimin zyrtar. Për mediat u prononcua edhe Kryetarja e Bashkisë së Oakland, Libby Schaff.
Ajo u shpreh se vendi i ngjarjes është një vend totalisht i shkatërruar dhe se do të duhet kohë për të mësuar se çfarë ka ndodhur në të vërtetë. Kryebashkiakja theksoi se do të kërkojë zbardhjen e plotë të këtij rasti për të respektuar familjarët e viktimave, të cilët kërkojnë të dinë të vërtetën.
Nga ana tjetër, përfaqësuesit e zjarrfikëseve thanë se godina nuk kishte sistem për shuarjen e flakëve dhe se nuk kishin dëgjuar asnjë alarm. Për këtë arsye ata thonë se do të kërkojnë gjithashtu të dhëna për të parë nëse magazina i përmbushte plotësisht kushtet e nevojshme të sigurisë që duhet të ketë një ndërtesë e tillë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
