Vrasja e dy vëllezërve ka nxitur reagime të forta nga ana e opozitës, të cilët dënojnë ashpër krimin e rëndë, ndërsa ngrenë shqetësimin e pasigurisë në këtë qytet.
Ish-deputeti Luçiano Boçi gjithashtu ka reaguar në rrjetet sociale teksa shkruan se Shqipëria është si Palermo, ku policia nuk vepron, megjithëse di gjithçka. (të plotë e gjeni më poshtë).
Nga ana tjetër dhe ish-deputeti Flamur Noka ka reaguar për krimin e rëndë, duke thënë se Lleshaj nuk po bën asgjë në drejtimin e Ministrisë së Brendshme, Ai ka shtruar dhe pyetjen se “çfarë po bëhet me 4 bandat kriminale që citoi ambasadori i SHBA”.
Noka iu bën thirrje shqiptarëve që të bëhen bashkë për të larguar Ramën, si e vetmja mënyrë për të mbrojtur veten dhe të ardhmen e fëmijëve të tyre.(kliko për të plotën).
POSTIMI I LUCIANO BOCIT:
JO VETËM SHKODRA
JO VETËM PALERMO
Kronikat e sotme të vrasjes së Shkodrës, e paraqesin qytetin e humorit si Palermon e vendit.
Situata e rëndë kriminale me vrasje pareshtur, e nxit këtë përcaktim.
Po nuk është vetëm Shkodra!
Palermo është dhe Elbasani.
Palermo është dhe Durrësi
Palermo është dhe Vlora
Palermo është dhe Tirana.
E gjithë Shqipëria është një Palermo.
Qytetet tona gdhihen dhe ngrysen me vrasje bandash, vrasje hakmarrjesh, vrasje shtetërore.
Krimi kontrollon sot votat, paratë, kanalet e narko-trafikut, në bashkëpunim të ngushtë më pushtetarë, politikanë qendrorë e vendorë.
Dhe atij nuk i hyn gjemb në këmbë.
Sepse policia hesht.
Policia nuk vepron, megjithëse di gjithçka.
Policia nuk ka vullnet, sepse drejtuesit e saj janë bërë njësh me interesat kriminale.
Stina e zgjedhjeve, nxit më shumë stinën e vrasjeve, sepse krimi e di mirë që Ramës dhe skotës së tij i duhen votat dhe jo siguria e qytetarit.
Prandaj ne nuk jemi vetëm një Palermo e viteve 70-80.
Ne jemi më shumë se kaq.
Jemi vend që drejtohemi nga një organizatë kriminale e cila lan hesape, bën hesape, mbyll hesape, për hesap të pushtetit personal.
Në Palermo, krimin e organizatave e ndali protesta e qytetarëve.
Në Shqipëri kështu po ndodh…
Të vazhdojmë betejën me organizatën kriminale në pushtet.
Gjarpri i krimit mbytet nga koka!!!!!
