Pas arrestimit të tre bashkëpunëtorëve për vrasjen e Jurgen Kurtit, policia shpalli në kërkim autorin emri i të cilit nuk u bë me dije.
Ndërkohë, sot është mësuar dhe identiteti i tij. Klodian Bane është personi që është shpallur në kërkim për vrasjen e Jurgen Kurtit, i cili dyshohet të jetë dhe ekzekutori. Kujtojmë që dje nga Policia u arrestuan Elsi Levendi, Olsi Qalliaj dhe Alesio Berberi, të tre banues në qytetin e Fierit.
Grupi u zbulua nga përgjimet telefonike, ndërsa bisedonin për shuma parash që rritin dyshimet për vrasje me pagesë. (lexo më shumë këtu).
Vrasja e Jurgen Kurtit u krye në datën 18 Mars në rrugën “Zef Jubani” në kryeqytet, poshtë pallatit ku 26-vjeçari jetonte së bashku më të ëmën e tij.
Kurti ishte një person i njohur për mediat dhe policinë, pasi ai kishte qenë i përfshirë më herët në vrasjen e të atit dhe të Agim Arapit në qytetin e Durrësit. Për të dyja këto ngjarje ai ishte shpallur i pafajshëm nga ana e Gjykatës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
