Euro ra ndjeshëm kundrejt dollarit pasi kryeministri italian Matteo Renzi po përjeton humbjen e madhe në referendumin e së dielës.
Rënia filloi që kur Renzi shpalli rezultatin dhe tha që do të dorëhiqej. Euro ka kapur shifrën $1.0507, niveli i tij më i ulët që prej marsit 2015.
Analistët thonë se është paralajmërim për investitorët por jo panik.
“Ndërsa tregjet me shumë gjasë janë të predispozuara të mbeten të pasigurta dhe nervoze me nisjen e javë së re nuk kanë rënë aq konsiderueshëm” tha Kathleen Brooks, drejtor kërkimi në City Index Direct .
Megjithatë ekonomia italiane është në një gjendje të brishtë dhe kjo periudhë pavendosmërie politike mund të shkaktojë dëme të mëtejshme. Analistët janë të shqetësuar rreth industrisë bankare italiane që duket se ka humbur konfidencën e saj.
Shumë banka po përballen me borxhin “e keq” dhe janë në nevojë të një rifinancimi. Dhe ky financim duket i vështirë në këtë periudhë krize politike.
Masa e borxhit të qeverisë italiane është po ashtu një shqetësim . Ajo po merr shumë borxh dhe kap vlerën e shumave më të mëdha në eurozonë.
“Nuk është e pamundur që të shihen zgjedhje të reja në horizont , dhe po ashtu jo e pamundur që të shohim Lëvizjen 5 yjet që të marrë pushtet me tezën e braktisjes së Europës” thotë Mark Wills nga State Street Global Advisors.
Përktheu nga BBC, DRONI.al
