Mes atyre që ndjeheshin në rrezik në protestën e sotme ishin dhe liderët e opozitës.
Moniks Kryemadhi ka rrëfyer një moment paniku dhe një situatë të vështirë.
Kryetarja e LSI-së tregoi për Neës 24 se një granatë zhurmuese i plasi te këmbët, gjatë protestës te Kuvendi ku policia sulmoi qytetarët me gaz lotsjellës.
Granata i shkaktoi një dhimbje të fortë në vesh duke shtuar se bënte një zhurmë të fortë. Sipas saj, nuk ishte e vetmja që kishte përjetuar të njëjtën gjë, pasi dhe një gazetar i kishte ndodhur e njëjta gjë teksa xhironin momentin e vështirë.
“Edhe unë jam ndjerë keq. Një bombë e tillë si kjo që i ka plasur Erjonit më ka plasur edhe mua. Zhurma ishte e fortë. Po ashtu edhe përdorimi i gazit sot ishte i ekzagjeruar. Unë isha diku tek kafe 1 Maji dhe e ndjeva”,– tha Kryemadhi.
