Margarita Xhepa është në gjendje të rëndë shëndetësore ndërsa ka njoftuar vetë se ditën e premte do t’i nënshtrohet një operacioni të vështirë në këmbë.
Aktorja ikonë e kinematografisë shqiptare ka treguar se është shumë e sëmurë dhe se nuk ecën dot.
”Sot mora analizat e gjakut, sepse jam në pritje të operacionit. Jam shumë sëmurë, nuk eci dot. Të premten do të hyj në operacion dhe do Zoti e kaloj me sukses.”ka thënë ajo.
87-vjeçarja së fundmi ka qenë protagoniste e filmit artistik me metrazh të gjatë “Bolero në vilën e pleqve”, bazuar në romanin e shkrimtarit të njohur Fatos Kongoli.
Xhirimet për këtë film janë mbyllur në muajin shtator dhe tani pritet premiera. Margarita Xhepa është edhe nëna e aktorit të njohur Ndriçim Xhepa.
