Pak ditë pasi u vetëdorëzua pasi ishte në kërkim për vrasjen në Bllok, Ervin Mata, i fejuari i Elvana Gjatës lë qelinë.
Gjykata ka vendosur sot masën e sigurisë “detyrim paraqitje” për Matën, pavarësisht se prokuroria kishte kërkuar “arrest me burg”.
Dorëzimi i Matës erdhi në një kohë kur situata për këtë ngjarje është qetësuar, ku pak kohë më parë gjykata e Tiranës, vendosi t’i heqë masën e “arrestit në burg” të plagosurit Eljo Hato, i cili nga sa mësohet është çuar për t’u mjekuar në një nga spitalet e Turqisë.
Çuditërisht në burg për ngjarjen e 4 tetorit 2018 po qëndron vetëm Ervis Martinaj, i cili në këtë ngjarje mbeti vetë i plagosuri me një plumb në qafë. Ndërsa ish-komandoja Marviol Bilo që besohet se ka qëlluar me armë, duke shkaktuar vrasjen e Fabiol Gaxha, dhe plagosjen e Ervis Martinaj e Eljo Hato, vijon të jetë në kërkim policor.
