Ditën e sotme dy punonjës të Bashkisës në Lezhë i shpëtuan mrekullisht një atentati në autostradë, ndërsa personat që qëlluan me breshëri plumbash nuk janë identifikuar.
Në dëshmitë e tyre, punonjësit (kliko këtu) nuk kanë shprehur se kanë konflikte me dikë, ndërsa policia po punon për zbardhjen e ngjarjes.
Bashkia e Lezhës në një reagim të fundit ka kërkuar që të vihen para drejtësisë autorët.
Reagimi i Bashkisë
Bashkia Lezhë dënon ngjarjen e ndodhur sot në autostradë pranë fshatit Tresh, ku është qëlluar me armë zjarri ndaj automjetit në të cilin lëvizte një punonjës i bashkisë, Inspektor i INUV-it, së bashku me një tjetër shtetas që nuk është punonjës bashkie.
Sa më lart, sqarojmë opinionin publik se, kjo ngjarje nuk ka asnjë lidhje me punën e inspektorit tonë në bashki apo rrethana të tjera të kësaj natyre, siç dhe pohon vetë ai.
Bashkia Lezhë i bën thirrje Policisë së Shtetit, të vëjë para përgjegjësisë autorët e kësaj ngjarjeje që cënon rendin dhe sigurinë publike.
