Prokuroria pranë Gjykatës së Shkallës së Parë për Krimet e Rënda ka dërguar ditën e sotme në gjykatë dosjen për të pandehurin Celnik Shaulli, që akuzohet se ka vrarë bashkëshorten e tij.
Organi hetimor ka ngritur akuzën “Vrasje për shkak të marrëdhënieve familjare” parashikuar nga neni 79/c te Kodit Penal.
Ky shtetas dyshohet se vrau me mjete të forta prerëse, shtetasen Adriana SHaulli, të cilën e ka pasur bashkëshorte . Vitkima ishte 42 vjeçe, nënë e 6 fëmijëve.
Çlirim Shaholli e çoi me duar e tija në urgjencë bashkëshorten e plagosur. Mjekët vunë re një hematomë në kokë, ndërsa gruaja nuk mundi të dilte e gjallë nga salla e operacionit. Pas shoqërimit në polici burri pranoi që ishin zënë. Ai e kishte shtyrë dhe ajo kish përplasur kokën në dysheme. “Nuk doja ta vrisja, si mund të lija jetim fëmijët e mi”,- tha ai në polici.
Por nga hetimet e Prokurorisë rezulton se e ndjera është vrarë me mjete të forta prerëse.
