Po mbahen sot zgjedhjet e përgjithshme parlamentare në Maqedoni. KSHZ njofton se deri në orën 10 të mëngjesit pjesëmarrja në votime është e vogël , prej rreth 9.5 % e totalit të votuesve. Janë regjistruar rastet e para të parregullsive si fotografim vote apo shqiptarët e Haracinës nuk kanë gjetur emrat në listat zgjedhore. Vota është bërë publike në disa raste por në përgjithësi raportohet për zgjedhje që po shkojnë mirë në qytetet me shumicë shqiptare.
Sipas Listës së përfunduar zgjedhore, të drejtë vote kanë 1.784.416 shtetas të rritur të Maqedonisë, nga të cilët 1.531.368 në Maqedoni. Në listën e posaçme zgjedhore janë regjistruar 230.122 persona, të cilët konform evidedncës së organit kompetent konsiderohet se janë në punë të përkohshme në vendet e huaja, ndërsa për votim në diasporë KSHZ-ja i ka pranuar paraqitjet e 20.573 qytetarëve.
