Sekretari amerikan i Mbrojtjes, Pat Shanahan ka nisur zyrtarisht detyrën.
Menjëherë ai ka deklaruar se Pentagoni është shumë i vendosur në detyrën për mbrojtjen e vendit. Ai pason në detyrë sekretarin e dorëhequr, Jim Mattis.
“Mirëpres bashkëpunimin me Presidentin Trump për të vënë në jetë vizionin e tij, në bashkëpunim me drejtuesit e tjerë të këtij institucioni, shtabin e përbashkët, komandantët dhe zyrtarët e lartë në Departamentin e Mbrojtjes” Sekretari i ri.
Një detaj që mediat e huaja e kanë evidentuar, ka të bëjë me mungesën e përvojës së Shanahan sa i perket ushtrisë, ndryshe nga paraardhësi i tij Mattis, që mori drejtimin e Pentagonit pas një karriere të gjatë me Marinën Amerikane dhe pas shërbimit në Afganistan si komandant i lartë.
Shanahan filloi punën në Pentagon në 2017, pas një karriere 30-vjeçare për kompaninë e aviacionit, Boeing ku ka drejtuar programe civile dhe ushtarake.
Jim Mattis dha dorëheqjen më 20 dhjetor, pas takimit në Shtëpinë e Bardhë ku pati mospajtime me Presidentin Trump lidhur me vendimin e tij për t’u tërhequr nga Siria.
