Një zjarr i cili ka rënë në një pallat ka alarmuar banorët.
Bëhet fjalë për një defekt në boksin e shpërndarjes së rrjetit elektrik në pallatin në lagjen “Çlirimi” të qytetit të Elbasanit.
Flakët dhe tymi janë përhapur menjëherë duke shkaktuar panik tek familjet pranë zonës ku ka rënë zjarri që kanë njoftuar policinë dhe zjarrfikësit. Dyshimet e para janë se zjarri ka ardhur për shkak të mbingarkesës në rrjet.
Shërbimi zjarrfikës ka shkuar menjëherë në vendngjarje. Mësohet se është ndërprerë furnizimi me energji elektrike për të evituar pasoja e zjarrit.
