Dy vota bënë diferencën dhe i dhanë fitoren Xhevdet Amullit, duke u shpallur kryetar i ri i Partisë Demokratike. Ai mori 243 vota, nga 241 që mori ish kryetari Ramiz Çobaj, ndërsa 8 vota u shpallën të pavlefshme. Në sallë bashkë me brohorimat e fitores nuk munguan as thirrjet poshtë komunistët, poshtë spiunët.
I pari që foli pas votimit ishte i deleguari Flamur Noka, që i ndoqi punimet e kuvendit zgjedhor dhe proçesin hap pas hapi. Ai tha se kjo është fitorja e parë, e asaj që do të pasohet me zgjedhjet vendore, ku PD do të triumfojë sipas tij.
Noka: PD po jep leksion si zhvillohet një proces, si votohet dhe si numërohet live në transparencë absolute. Tani sfida e radhës është ajo e zgjedhjeve lokale dhe politike.
Kryetari i ri Amuli falenderoi mbështetesit dhe vuri theksin se lufta nuk është brenda vetes, por me rivalët politik dhe tashmë nisin sfidat e forta.
Amulli: Nuk e kemi luftën brenda vetit, por e kemi me PS.
Në Vlorë Genc Deromenaj fitoi me 12 vota diferencë ndaj konkurrentit Gjergj Nika. Në Lezhë Zef Gjoka është zgjedhur kryetari i PD.
Në 15 dhjetor PD ka parashikuar zhvillimin e Kuvendit Kombëtar nga ku do të zgjidhen dhe strukturat drejtuese.
