Edhe pse do të jetë Dhjetor, fillim i sezonit të dimrit, sinoptikanët parashikojnë një mot të qëndrueshëm.
Sipas meteoalb, fundjava paraqitet me kthjellime dhe vranësira kalimtare, më të shpeshta në ekstremet Veri – Jug ku priten reshje të pakta dhe të izoluara.
Temperaturat do të rriten me 2 – 3°C të shtunën, ndërsa një rritje më të ndjeshme sjell e diela.
Të njëjtat kushte të motit, me kthjellime dhe vranësira të herë pas hershme dhe reshje të pakta e të izoluara, vijojnë mbi territor deri më dt. 5 – 6 dhjetor.
Ditët e para të dhjetorit do të sjellin temperatura relativisht të larta.
Më e ndjeshme kjo gjatë mesditës kur maksimumi në rang territori ngjitet në 22°C ndërsa minimumet luhaten nga 2°C në zonat malore deri në 11°C, gjatë mëngjeseve në zonat bregdetare dhe të ulëta.
