Pasi u shtrua në spital dhe prej disa muajsh iu nënshtrua seancave për t’u ndjerë më mirë psikologjikisht, Selena Gomez është rikthyer sërish, këtë herë më e fortë.
Selena Gomez, së bashku me shoqet e saj të ngushta kanë startuar fushatën e re të markës PUMA.
Këngëtarja 26-vjeçare dhe shoqet e saj më të afërta shfaqen në një video të fushatës së sapo lëshuar për koleksionin e ri të rrobave sportive Strong Girl. Gomez, e cila kohët e fundit ka qënë në qendër të vëmendjes për shkak të shëndetit të saj, ka hapur koleksionin e saj të fundit dhe flet sinqerisht për imazhin e trupit dhe pasiguritë e saj në një intervistë të postuar nga Elle të mërkurën.
“Ndonjëherë jam shumë e pasigurt, kaloj faza të çuditshme, por në përgjithësi dua që njerëzit të veshin atë me të cilën ata ndjehen të kënaqur”, thotë Gomez.
Disa pjesë në koleksionin e ri përfshijnë një mesazh të fshehtë rreth forcës.Gomez shpreson të ndihmojë në inkurajimin e grave.
“Unë dua të inkurajoj gratë. Unë nuk do të isha në gjendje të bëja asgjë nëse nuk do të ishte për njerëzit që më mbështetën, dhe kjo tingëllon si një klishe, por është e vërtetë. Gjithmonë kam dashur të jem një shembull i mirë, jo se une jam me probleme, unë gjithmonë e djallos,por unë dua të jem e sinqertë me ta. Po përpiqem për më mirë. Unë mundem të jem më mirë dhe kjo është ajo që mund të bëni, thjesht provoni më të mirën që mundeni, dhe nuk jeni vetëm”.
