Prokuroria e Tiranës ka nisur hetimet pas protestës së mbajtur sot para parlamentit ku pati policë dhe panorë të plagosur.
BalkanWeb shkruan se një grup pune i prokurorisë së Tiranës ka mbërritur në Spitalin e Traumës për të hetuar në lidhje me policët e dëmtuar dhe të goditur, dhe një grup tjetër i prokurorisë së Tiranës, në bashkëpunim me Policinë e Shtetit kryejnë veprimet në vendngjarje.
Në total janë 13 efektivë të policisë të shtruar në spital, ndërkohë që ky informacion mësohet nga burime mediatike dhe jo zyrtarisht nga policia.
Po të njëjta burime thonë se janë 12 protestues të shtruar në spital. Nga ana tjetër, informacionet që vijnë nga urgjenca e spitalit të Traumës, bëjnë me dije se një prej punonjësve të policisë ka humbur 4 gishtat e njërës dorë, ndërsa një tjetër ka humbur dëgjimin.
Policia e shtetit, në faqen e saj zyrtare ka bërë publike vetëm numrin e të efektivëve të plagosur pa dhënë shumë detaje lidhur me dëmtimet apo me numrin e protestuesëve të plagosur.
https://www.facebook.com/1502420603377639/videos/332075974012070/
