Prokuroria e Ekuadorit ka zbuluar detaje të operacionit që çoi në shkatërrimin e trafikut të kokainës nga Ekuadori në drejtim të Australisë.
Policia ka publikuar dhe fotot e tre personave që mendohet se janë koka e këtij trafiku, dy grekë dhe një shqiptar i arrestuar në Greqi si dhe 6 personat që janë arrestuar në Ekuador.
Grupi ka arritur të dërgonte sasi të mëdha kokaine nga Ekuadori drejt Australisë duke përdorur anije lundrimi të modifikuara.
Të ardhurat nga shitja e drogës mund të arrinin në vlerën e 11 milionë eurove.
Të arrestuarit në Greqi janë një grek 42 vjeçar pronar i një kafeneje, djali i një astrologeje, një 63 vjeçar pronar i makinave luksoze si dhe një 41 vjeçar shqiptar.
Ky i fundit ishte arrestuar edhe më përpara në Itali me gati 200 kg hashash.
Sipas prokurorisë “63 vjeçar dhe 31 vjeçari ishin përgjegjës për planifikimin, organizimin, financimin dhe transportinin e sasive të mëdha të kokainës me anijet e modifikuara.
42 vjeçari ishte përgjejgës për kontrollin dhe kryerjen e detajeve dhe procedurave të transferimeve (duke kontrolluar për të gjetur një anije të mirë dhe vendin ku do të fshihej kokaina”
Ngarkesa prej 300 kg kokainë u sekuestrua më 13 nëntor në një anije.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
