Katër të rinjë korçarë janë arrestuar nga policia, pasi u kapën me 1 kg kanabis sativa.
Sipas policisë, janë arrestuar:
• Marius Avdi, 24 vjeç,
• Bledi Avdi, 27 vjeç, të dy banues në Pojan.
• Denis Xhika, 29 vjeç,
• Lazjan Çifligu, 25 vjeç, të dy banues në Korçë.
Arrestimi i tyre u bë pasi, në afërsi të vendit të quajtur “Kryqëzimi i Kolonjës” gjatë kontrollit të ushtruar në bagazhin e automjetit tip “BMW” me targë AA 469 EF, me drejtues shtetasin Marius Avdi dhe pasagjer shtetasin Bledi Avdi, iu gjet dhe sekuestrua në cilësinë e provës materiale 1 Kg lëndë e dyshuar si narkotike Cannabis Sativa.
Nga hetimet e kryera, dyshohet se edhe dy shtetasit e tjerë janë të implikuar në këtë ngjarje.
Veprimet proceduriale të rastit u kryhen nga specialistët e Seksionit të Narkotikëve të cilët referuan materialet në Prokurorinë e Rrethit Gjyqësor Korçë për veprën penale parashikuar nga neni 283/2 i Kodit Penal.
