Është mbajtur edhe gjysmëfinalja e dytë e festivalit të këngës të Radio Televizionit Shqiptar (RTSH).
Festivali i cili ka rrëmbyer vëmendjen e publikut, sidomos pas performancave “live” të artistëve në këtë ngjarje, ka tashmë finalistët e këtij viti.
Ashtu si natën e parë, edhe edhe në natën e dytë u prezantuan 12 krijime të reja. Në fund të mbrëmjes u zgjodhën edhe 14 këngëtarët finalistë, që do të paraqiten mbrëmjen e sotme, ku do të shpallet edhe fituesi. Finalistët u zgjodhën nga juria në sallë bashkë me votat e publikut nga shtëpite.
Këngët e paraqitura në festivalin, e konsideruar prej vitesh si një nga ngjarjet më të rëndësishme të muzikës së lehtë shqiptare, janë të rrymave të ndryshme muzikore, fryt i bashkëpunimeve midis emrave të njohur, por edhe të rinj të muzikës shqiptare. Orkestra e RTSH gjatë netëve të festivalit drejtohet nga Jetmir Barbullushi. Ndërsa pritet që e ftuar e nderit e festivalit do të jetë edhe sopranoja shqiptare me famë ndërkombëtare, Inva Mula.
Finalja e madhe e festivalit të RTSH-së do të mbahet sonte në darkë. Fituesi do të përfaqësojë Shqipërinë ne Eurovision Song Contest 2017.
Më poshtë finalistët e festivalit të RTSH-së:
1- Linda Halimi
2- Ylli Limani
3- Flaka Krelani
4- Genc Salihu
5- LYNX
6- Edea Demalijaj
7- Fabiola Agalliu dhe Agnesa Çavolli
8- Naim Bunjaku
9- Dilan Reka
10- Rezarta Smaja
11- Lorela
12- Franc Koruni
13- Oreg Toçe
14- Xhesika Polo
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
