Kushdo e mban mend spikeren e lajmeve Monika Stafa. Mjafton të përmendje emrin e saj dhe e kuptoje se në Top Channel, edicionet e lajmeve identifikoheshin me të.
Monika Stafa ka qënë prej vitesh imazhi i edicionit informativ në këtë televizion, duke u kthyer kështu në figurën më të preferuar të shikuesve.
Prej disa vitesh shkëputje, Monika është rikthyer sërish në televizion, për të dhënë sërish lajmet.
Ka qënë vetë spikerja e cila ka ndarë disa foto në Instagram, teksa shkruan se ‘kur shokët të ndjekin me kujdes’, që nënkuptojnë faktin se ato foto ia kanë dërguar miqtë e saj.
Monika Stafa është shfaqur në transmetim në edicionin informativ të orës 15:00. Është pothuajse e njëjta, vetëm me një ndryshim të vogël në portret, me syze optike.
Monika u largua nga televizioni i njohur pas 15 vitesh si pjesë e tij, sepse u zgjodh kryetare e Këshillit të Ankesave në Autoritetin e Mediave Audiovizuale (AMA)./K.Balliu
