Dhjetëra të rinj të Partisë Demokratike kanë zhvilluar një protestë përpara gjimnazit “Dhaskal Todri” në Elbasan.
Në këtë shkollë, kryeministri Edi Rama po zhvillon një takim me mësuesit e këtij rrethi.
Protesta po mbikëqyret nga forcat e rendit, për të shmangur edhe ndonjë incident të mundshëm.
Gazetarja e Ora News, Belinda Ruçaj na informon se herë pas here ka pasur edhe përplasje mes policisë dhe grupit të protestuesve, të cilët mbajnë në duar sloganet “Elbasni i narkotrafikut, shteti i narkotrafiku”.
Ndërkohë për të qetësuar situatën, ndodhet edhe drejtori i policisë së Elbasanit Altin Qato, i cili herë pas here negocion me deputetin e PD, Luçiano Boçi, i cili ishte i pranishëm në protestë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
