Liderët botërorë urojnë Macron, “shpëtimtarin” e BE-së

Presidenti i Shteteve të Bashkuara, Donald Trump ka uruar Emmanuel Macron për fitoren në zgjedhjet presidenciale të Francë. Përmes një postimi në Twitter, Trump e konsideron fitore të madhe si President i ardhshëm i Francës me të cilin do të punonte me të.
Kancearja gjermane, Angela Merkel po ashtu ka uruar Macron për fitore. Zëdhënësi i Merkel ka thënë se fitorja e tij është fitore për “Europën e bashkuar”.
“Urime Emmanuel Macron. Fitorja juaj është fitore për Europën e fuqishme dhe të bashkuar dhe për miqësinë franko-gjermane”, ka thënë Steffen Seibert.
Kryeministria e Britanisë, Theresa May ka uruar po ashtu Macron për fitoren.
“Franca është njëri prej aleatëve tonë më të ngushtë dhe ne presim që të punojmë së bashku me presidentin e ri”, thuhet në deklaratën e zyrës së May.
Presidenti i Këshillit të Europës, Donald Tusk ka thënë se sot francezët kanë zgjedhur “lirinë, barazinë ndaj tiranisë dhe lajmeve të rrejshme”.
Ndërkaq, presidenti i Komisionit Europian, Jean-Claude Juncker ka thënë se francezët sot kanë zgjedhur “të ardhmen e tyre europiane”.
Nga ana e tij, Presidenti i zgjedhur i Francës, Emmanuel Macron  pranoi ndarjet në shoqërinë franceze gjatë zgjedhjeve që i shtyu një pjesë të popullsisë që të votojnë ekstremin e djathtë, por thotë se do të punojë për të gjithë Francën.
Macron thotë se do të mbrojë Francën dhe Evropën si President, ndërsa garoi përballë Marine Le Pen, e cila pretendon të tërheqë Francën nga Bashkimi Europian. Bankieri 39-vjeçar, i cili shërbeu si ministër i Financave nën presidentin e Francois Hollande, shkurtimisht vlerësoi mentorin e tij të dikurshëm. Macron thotë se ai duhet të shikojë përpara për hir të të gjithë Francës.
Ai tha se ishte nder i madh dhe përgjegjësi për detyrën që merr dhe se do të luftonte kundër përçarjeve në vend.
“Unë do të ripërtërij lidhjet me Bashkimin Europian”, tha Macron gjatë fjalimit të parë si President.

/DRONI.al/