Deti në Durrës ka nxjerrë në breg sot një delfin mbi 2 metra të gjatë. Fatkeqësisht delfini ishte i ngordhur. Zyrtarët e bashkisë së Durrësit urdhëruan largimin e tij nga plazhi dhe e morën përmes një eskvatori duke e ngarkuar në një ‘dum dum’ dhe e hodhën më pas në një zonë plehrash.
Akademiku Artan Fuga e ka parë skenën dhe është indinjuar për mënyrën se si ka vepruar bashkia. Ai thotë se delfini nuk mund të hidhej në plehra pa i bërë ekspertizën për të gjetur arsyet e ngordhjes.
Ne foto delfini i ngordhur ne brigjet e Durresit
Më poshtë postimi i Fugës:
“Plehra!
Delfin i ngordhur i nxjerrë nga deti në Durrës në breg!
Ne vend të bëheshin ekspertiza si duhet meqë kemi të bëjmë me një specie të mbrojtur, erdhi eskavatori, e ngarkoi në një rimorkio portabli, hodhi ca rërë përsipër dhe hë te…plehrat!
Cfarë plehrash!
O Zot cfarë minimalistësh që jemi!
Ai që ka dhënë urdhër që pa ekspertizë ta hedhin Delfinin në plehra ka bërë shkelje të ligjit!
O i shkreti Delfin, cfarë t’u desh që erdhe këtej nga anët tona!
Këtej ikin, ti si naiv erdhe!
Tani aty te plehrat të hanë qentë e Durrësit!”
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
