4 këshilla sesi femrat të jenë të suksesshme duke ndihmuar njëra-tjetrën

Gjatë një takimi të zhvilluar në Oregon, në lidhje me rolin e femrave në fushën e sipërmarrjes dhe mbështetjen që ato gjejnë apo jo, midis disa prej biznesmeneve më të suksesshme ishte i ftuar edhe senatori Ron Ëyden.
Edhe pse femrat në Oregon drejtojnë më shumë se 30 për qind të bizneseve të vogla, ato përsëri hasin vështirësi të shumta.
Kjo ishte edhe një ndër arsyet kryesore që çoi në diskutimin për gjetjen e zgjidhjeve dhe sesi femrat mund ta ndihmonin njëra-tjetrën të jenë sa më të suksesshme në fushën e biznesit.
Më poshtë do të gjeni 4 prej këshillave më të rëndësishme që u dhanë gjatë këtij takimi:
1) Ndani kontaktet tuaja
Sa më shumë kohë të keni në fushën e biznesit, aq më të shumta do të jenë edhe njohjet dhe kontaktet që keni bërë gjatë gjithë kësaj kohe. Një prej mënyrave më të thjeshta për të ndihmuar koleget tuaja, është që të ndani kontaktet tuaja me to.
2) Shfrytëzojeni në mënyrë strategjike kohën tuaj
Shfrytëzojeni në maksimum dhe në mënyrën e duhur kohën tuaj. Harrojini drekat e punës dhe madje edhe kafetë e famshme. Sipas studimeve të fundit, ka rezultuar se koha që shpenzojnë njerëz të ndryshëm duke shkuar në restorante apo në kafene për të diskutuar për çështje pune, është kohë e çuar dëm, sepse në pjesën më të madhe të rasteve diskutohet më shumë për çështje sociale sesa për çështje pune.
3) Ndani përvojat tuaja
Gjatë përvojës sonë në punë, ne kemi mësuar sesi duhet të sillemi apo të veprojmë në situata të ndryshme. Këshillohet që eksperiencat tuaja t’i ndani edhe me koleget, duke i ndihmuar ato që të mos bëjnë të njëjtat gabime.
4) Ndihmojini financiarisht
Nëse keni mundësi, ju mund t’i ndihmoni koleget tuaja edhe nga ana financiare, duke i dhënë një shumë të kërkuar të ardhurash por pa i kërkuar interes në fund dhe, mbi të gjitha, duke i thjeshtuar procedurat e ndërlikuara që mund t’i krijohen nga marrja e një kredie në bankë.

/DRONI.al/