Një aksident i rende ka ndodhur ditën e sotme në aksin rrugor Gjirokastër – Sarandë. Një automjet tip BMW ka dalë nga rruga dhe ka përfunduar në kanal pranë vendit të njohur si ‘Kriporja’, afër pikës turistike të Syrit të Kaltër.
Nga informacionet e para mësohet se kanë mbetur të plagosur një çift që udhëtonin me këtë automjet. Plagë më të rënda ka marrë bashkëshortja.
Çifti është dërguar për ndihmë mjekësore në spitalin e Sarandës. Identiteti i tyre nuk bëhet me dije ende. Dyshohet se shkak i aksidentit ka qenë shpejtësia tej normave të lejuara.
