Një “babgjysh” vrau të paktën 39 persona, përfshirë 15 shtetas të huaj ndërsa plagosi 69 të tjerë, gjatë një sulmi me armë në një lokal nate në Stamboll.
Një person i armatosur hapi zjarr në Reina, në një klub nate, rreth orës lokale 01:30, ndërsa të pranishmit po festonin ardhjen e vitit të ri.
Ministri i Brendshëm, Suleyman Soylu ka deklarua se policia ende po punon pë gjetjen dhe kapjen e autorit që besohet se ka vepruar i vetëm ndërsa mes të vdekurve është dhe një oficer policie.
Të plagosurit janë dërguar në spital si pasojë e plagëve të marra. Katër prej tyre thuhet se janë në gjendje serioze.
Në një video të publikuar në mediat turke shihet, një person i veshur me kostumin e babagjyshit që qëllon me armë.
Një prej të pranishmëve në lokalin e natës ku ndodhi sulmi në Stamboll, ka rrëfyer për CNN momentet e sulmit terrorist. Ai tha se u dëgjua zhurmë e madhe dhe më pas rojet e sigurisë u kërkuan njerëzve që të dilnin jashtë.
Ai tregon se nuk e di se sa agresorë ishin, por ka parë me sytë e ti vetëm një person të armatosur.
“U qëllova në këmbë”, tha ai në anglisht ndërsa e mjekët e merrnin me ambulancë. “Ata njerëz të çmendur qëlluan kudo”.
Presidenti Erdogan e dënoi sulmin e tmerrshëm duke thënë se sulmi kishte për qëllim të shkakonte kaos dhe të dëmtonte moralin e vendit.
