Shërbimi për Çështjet e Brendshme dhe Ankesat në Ministrisë e Brendshme ka arrestuar sot një punonjës të Gardës së Republikës me argumentin se ky i fundit kërcënonte dhe dhunonte ish të dashurës më të cilën kishte bashkëjetuar.
SHÇBA ka njoftuar se në pranga është vënë Sejdi Visha, 29 vjeç, me profesion trup shërbimi pranë repartit të Ceremonialit të Gardës
Ja njoftimi i plotë i SHÇBA:
SHÇBA arrestoi punonjësin e Gardës, për dhunë në familje
Shërbimi për Çështjet e Brendshme dhe Ankesat (SHÇBA) arrestoi një punonjës të repartit të ceremonialit në Gardën e Republikës, për shkak të kërcënimeve dhe veprimeve të dhunshme ndaj shtetases me të cilën kishte bashkëjetuar më parë.
Arrestimi në flagrancë u krye pasi punonjësi Sejdi Visha, 29 vjeç, me profesion trup shërbimi pranë repartit të Ceremonialit të Gardës, i bëri kërcënime me jetë ish-bashkëjetueses.
Veprimet e punonjësit të Gardës ishin të përsëritura, megjithëse shtetasja kishte bërë kërkesë për “Urdhër mbrojtje”. Autori u arrestua për “Dhunë në familje” ndërsa materialet procedurale i kaluan Prokurorisë së Rrethit Gjyqësor Tiranë për veprime të mëtejshme.
