Prokuroria ka vendosur arrest me burg për 4 të arrestuarit e eurove të gjetura në Toyota. Pasi seanca nisi me debate, Edi dhe Klevi Lika, Agim Çeka dhe A.Mollaymeri do të qëndrojnë në burg pasi u kapën duke transportuar paratë në portin e Durrësit të cilat dyshoheshin se do të shkonin drejt Evropës.
Vihen nën hetim dhe kushurinjtë Vladi. Akuza nga prokuroria është pastrim parash në kuadër të grupeve të strukturuara.
Prokuroria e Krimeve të Rënda ka dërguar letër-porosi në 3 shtete, para disa ditësh lidhur me të arrestuarit për gjetjen e rreth 3.4 milionë eurove në dy makina Toyota Yaris.
Letër-porosi mësohet se është dërguar në Gjermani, Belgjikë dhe Angli, nga ku pritet të merret informacion i detajuar, në lidhje me aktivitetin e katër personave që do të mbahen nën “arrest me burg” për këtë çështje.
