Teatri Kombëtar ka ndërprerë shfaqjet e planifikuara për këtë javë duke shënuar të parin institucion publik pas shkollave, kopshteve dhe cerdheve që detyrohet të ndalë punën për shkak të motit me temperatura shumë të ulëta.
Nëpërmjet një njoftimi Teatri Kombëtar bën të ditur se tubat e ujit që furnizojnë kaldajën janë ngrirë duke bllokuar funksionimin e saj cfarë bllokon ndërkaq edhe mundësitë për të siguruar ngrohjen në sallën e shfaqjeve.
“Teatri Komëbtar ju njofton se pët shkak të temperaturave shumë të ulëta të këtyre ditëve, ngrica ka prekur tubacionet që furnizojnë me ujë kaldajën e teatrit duke e bërë të pamundur funksionimin e saj. Për këtë arsye shfaqjet e programuara për datat 12-13-14-15 Janar nuk do të jepen. I kërkojmë ndjesë publikut dhe rishihemi së shpejti në sallën e Teatrit Kombëtar!”, thuhet në njoftimin e drejtorisë.
