VIDEO/ Basha nuk lëviz nga foltorja: Rama, Xhafaj, o burracakë, dilni nga vrima – Ruçi ndërpret përsëri seancën

Pasi seanca e Kuvendit është rihapur, kryetari i opozitës Lulzim Basha që nuk ka lëvizur nga foltorja, i ka bërë thirrje Kryeministrit dhe Ministrit të Brendshëm, )dy burracakë” siç i ka quajtur, “të dalin nga vrimat ku janë futur dhe të vijnë të përballen me opozitën”.

Basha ia ka kërkuar Ruçit me këmbëngulje që t’i thërrasë të dy, Ramën e Xhafajn, të vijnë në seancë.

“Pyetja është se çfarë kanë sot më të rëndësishme këta që nuk vijnë të përballen me opozitën, me qytetarët dhe median, tha Basha. Përgjigjen na e kanë borxh dhe nëse nuk na e japin, jemi ne të gatshëm t’ua japim me fakte. Ka skenarë kriminalë të fshehjes së provave të hetimit për Saimir Tahirin, për hetimin që duhet të zhvillohej ndaj Agron Geron Xhafajt dhe hetimit që duhet të kishte nisur ndaj Fatmir Xhafajt në kuptimin penal të fjalës për zhdukjen e provave në hetimin e Agron Xhafaj, njerit prej kokave të krimit të organizuar.

Edhe njëherë i bëj thirrje Edi Ramës dhe Fatmir Xhafës të dalin nga vrimat ku janë struktur dhe të vijnë këtu duke dhënë qoftë edhe formalisht dorëheqjen sepse realisht e kanë dhënë. Thirr Edi Ramën, thirr Fatmir Xhafajn të përballen me të vërtetën!”, insistoi Basha duke iu drejtuar kryeparlamentarit.

Ruçi i ka kërkuar Bashës të largohet nga foltorja, po kreu i opozitës nuk e ka përfillur:

“Thirri këtu të ballafaqohen me të vërtetat, se nuk ka gjë më të rëndësishme sesa drama e një republike të re, e një korporate politiko-kriminalo oligarkike që ka uzurpuar çdo gjë në këtë vend, deklaroi Basha. Nuk ka nevojë ta hapësh fare mikrofonin, se më ndjekin Live në Facebook. Edhe njëhërë ua drejtoj thirrjen këtu dy burracakëve, ejani përballuni me të vërtetën, dilni nga vrimat ku jeni futur! Ejani përballuni me të vërtetat!

Në këto rrethana Ruçi është detyruar të ndërpresë sërish seancën e Kuvendit.

/DRONI.al/