“Dorëzimi i mandatit, nga Saimir Tahiri, është tregues i forcës së krimit. Atë që s’bëri Parlamenti, e bëri krimi” u shpreh ish-kryeministri Sali Berisha, sot ndërsa opozita braktisi punimet e Kuvendit, kur në foltore u ngjit kryeministri Edi Rama.
Sipas Berishës, “Asgjë nuk sjell flakja e Saimir Tahirit jashtë parlamentit, ndërsa Rama flet në parlament. Dorëzimi i mandatit të tij sot është dëshmi e forcës së krimit. Atë që nuk bëri parlamenti e bëri Saimir trafiku”, u shpreh Berisha.
Sipas Berishës, dorëzimi i mandatit të Tahirit bëhet pas një takimi 3-sh që është bërë mes, Edi Ramës, Saimir Tahirit dhe Erion Veliajt.
Pjesë nga deklarata e ish-kryeministrit Sali Berisha
Ka përgjegjësi të madhe të politikës kriminale të kanalizimit të Shqipërisë. Edvin Kristaq
Rama është arkitekti i zi i politikës së kanalizimit, kokainizmit dhe heroinizimit të Shqipërisë. Asgjë nuk sjell flakja e Saimir Tahirit jashtë parlamentit përderisa Rama qëndron dhe flet aktualisht në parlament.
Dorëzimi i mandatit të tij është dëshmi e forcës së krimit. Atë që s’e bëri dot parlamenti e bëri Saimir Trafiku. E imagjinoni ju që atë forcë që s’e kishte parlamenti.
Një takim sekret është bërë në nj spital privat të Tiranës; takim tresh, i treti ishte Lal Plehu. E ka marrë vesh gjithë Shqipëria atë dhe në atë takim janë bërë premtime për kulla.
Kjo është një fitore e tërë qytetarëve shqiptarëve dhe e opozitës që mban flamurin e dekriminalizimit të parlamentit por asgjë nuk ndryshon nëse njeriu që po flet tani e mashtron e mashtron qytetarët dhe udhëton si faqja e zezë në Europë dhe i bojkotojnë darkat, që e bojkotojnë si të jetë njeriu i Kim Jong-unit.
Ai e di se bota nuk kërkon kokën e Saimir Tahirit, por dorëheqjen e Edi Ramësn sepse Edi Rama është pengesa kryesore drejt integrimit, njeriu i rekordeve më të zeza.
Mediat franceze e shpallën Shqipërinë si vendin kryesor të eksportit të kanabisit në Europë.
Rama është kalbësira e pushtetit në Ballkan e Europë që duhet të hidhet sa më parë.
Ai riktheu burgjet politike në Shqipëri dhe dua t’i çoj një përshëndetje vëllazërore heronjve të Kukësit dhe ftoj shqiptarët t’i bëjnë si e palosën diktatorin e Nikaraguas.
Koha ta hedhin kalbësirën Edi Rama.
