Një tjetër sasi e madhe kanabis i nisur nga bregdeti shqiptar është kapur dy ditë më parë në Itali. Kanë qenë Guardia di Financa e Barit që ka bërë kapjen e gomones shqiptare me 4 skafistë dhe me ngarkesën e çmuar.
Gjatë mëngjesit të sotëm, mediat italiane kanë zbardhur edhe detaje në lidhje me këtë aksion.
Ndjekja ka ndodhur në bregun në afërsi të Salentos. Gomonia 10 metra e gjatë me dy motorë të fuqishëm ishte nisur Shqipëria. Mjeti lundrues është ndjekur nga ajri dhe deti dhe të ndodhur përballë kësaj situate kanë nisur të hedhin ngarkesën në det.
Më pas gomonia është ndaluar nga policia, e në pranga janë vënë edhe 4 shqiptarët me inicialet B. M., 40 vjeç, H. X., 30 vjeç, R. B., 30 vjeç dhe C. S., 37 vjeç. Ata janë nga Vlora dhe nga Kavaja.
