“Mashtrimi i Ramës, premton ilaçe falas edhe pse nuk ka parashikuar asnjë qindarkë në buxhetin e 2017”

“Shëndetësia është dështim spektakolar i Edi Ramës.
Por edhe pse i paaftë për punë të shëndetësisë, Edi Rama shkëlqen për fasada, gënjeshtra dhe manipulim të opinionit.” Kështu është shprehur në një deklaratë për shtyp nga selia e PD Albana Vokshi .
Reforma e Ramës në shëndetësi sipas saj  solli  korrupsionin galopant në Fondin e Sigurimeve të Detyrueshme me receta dhe fatura fiktive – dhe sot s’ka asnjë të dënuar.
Reformat e Ramës në shëndetësi u hapën derën ilaçeve fallso tha Vokshi , të pacertifikuara, të pasigurta, pa standarte.
“Një nga vendimet e para, klienteliste të Ramës, ishte heqja e detyrimit të certifikimit të ilaçeve nga BE-ja, duke i hapur rrugë klientëve të vet të fusin në treg ilace pa kontroll e pa standarte. Të gjithë e dinë historinë e ilaceve të kancerit që nuk kanë lidhje me kancerin, apo të vaksinave kineze, apo të antibiotikëve që nuk japin efekt. Ndaj edhe dy nga kompanitë kryesore të prodhimit të ilaçeve në botë, Glaxo dhe Actavis, mbyllën zyrat e tyre në Shqipëri duke akuzuar qeverinë për politika klienteliste.
Arritja tjetër e reformës Rama në shëndetësi është mungesa në masë e ilaçeve dhe produkteve mjekësore në spitalet e vendit dhe në treg. Thotë që kemi ulur cmimin e ilaceve me 30%, kjo jo vetëm që është gënjeshtër, por sot ilace nuk ka në treg apo spitale. Të sëmurët duhet të blejnë vetë edhe garzat dhe shiringat në farmaci. Herceptina, ilaç jetik për të sëmurët me tumor, mungoi prej javësh në Shqipëri. U desh të reagonte PD që të vinte herceptina, por edhe atëherë jo për të gjithë pacientët të cilët rrezikojnë cdo ditë jetën e tyre” tha Vokshi në deklaratën për mediat.
Gënjeshtra më e madhe e Edi Ramës është shëndetësia falas sipas Vokshit . Këto katër vjet shpenzimet e shqiptarëve për shëndetësi u rritën.
E tregon rritja e perqindjes së kontributeve në buxhet nga 18% (2013) në 25% në 2017. Sot shëndetësia “falas” është bërë shumë më e shtrenjë. E thotë edhe Banka Botërore në raportin e dhjetorit 2016: mbi 50 për qind e shpenzimeve të shqiptarëve për shëndetësi, vinë nga xhepat e tyre. Eshtë kostoja më e lartë në Evropë.
“Meqë tani po vinë zgjedhjet, Edi Rama hapi thesin dhe hodhi gënjeshtrën e radhës me shëndetësi falas: do të paguajë ilaçet e rimbursueshme për 600 mijë qytetarë të pasiguruar. Por në buxhetin e shëndetësisë për vitin 2017 nuk ka parashikuar fond shtesë për këtë gjë, ndërkohë që do të duheshin të paktën 68 milionë euro për t’i rimbursuar.
Eshtë pikërisht kjo shendetësi e Edi Ramës që ka detyruar mbi 400 mjek specialistë të zotët, të ikin nga Shqipëria.
E vetmja shëndetësi falas dhe e vetmja shëndetësi që funksionon në Shqipëri janë paratë që u shkojnë kocnesionerëve. Mbi 400 milionë euro koncesione ka dhënë Edi Rama këto katër vjet.
Rasti më tipik është check-up: Check ka dështuar pasi analizat i bëjnë vetëm 20-25 për qind e qytetarëve që duhet t’i bënin, por koncesionari i merr paratë të plota. Rreth 5 milionë euro falas çdo vit ” përfundoi Albana Vokshi.

/DRONI.al/