Edhe pse prej ditësh jemi zyrtarisht në pranverë, moti në vendin tonë nuk po duket aspak i favorshëm.
Po kjo nuk është e gjitha, parashikimet janë për një tjetër valë të ftohti.
Sipas meteorologëve italianë, Mesdheu mund të përfshihet nga një valë tjetër dëbore dhe temperaturash nën zero gradë celcius duke filluar që nga data 20 mars.
Meteorologët thonë se rrymat e ajrit me trysni të lartë të orientuara në drejtimin e meridianëve favorizojnë rikthimin e mundshëm të një vale acari nga Rusia brenda këtij muaji.
Ekspertët thonë se është ende shumë shpejt dhe për të dhënë një parashikim më të përafërt do të duhet që të kalojnë edhe disa ditë.
