Deputetët e Partisë Demokratike, deri në protestën e 18 shkurtit do të braktisin komisionet parlamentare për tu përqendruar në zonat e tyre elektorale.
Burimet i thanë Ora News se në mbledhjen e grupit parlamentar, kryetari i Partisë Demokratike Lulzim Basha, u ka kërkuar deputetëve angazhim maksimal për të organizuar dhe mbledhur sa më shumë qytetarë ne bulevard para kryeministrisë mesditën e 18 shkurtit.
Nga bojkoti përjashtohen vetëm deputetët pjesë e komisioneve hetimore, të cilët do të jenë prezentë në mbledhje.
Vetë Basha në kuadër të protestës, ka nisur një tur takimesh me qytetarë dhe strukturat në Tiranë dhe rrethe.
PD braktis komisionet, deputetët në terren për protestën e 18 shkurtit
