Ministri i Brenshëm francez gjendet sot në Tiranë për një vizitë zyrtare, fokusi i së cilës duket të jetë i ndryshëm nga ai që paraqet qeveria shqiptare në njoftimin e saj për mediat. Sipas gazetës prestigjoze franceze ‘Le Figaro’, Collomb vjen në Tiranë për të vendosur pikat mbi I për problemet, që azilkërkuesit shqiptarë i kanë shkaktuar Francës.
“Gerard Collomb shkoi në Tiranë për të nxitur Shqipërinë që të mbajë shtetasit e saj dhe për të marrë përsëri ata që tashmë zënë 20% të vendeve në qendrat e pritjes në Francë”, shkruan ‘Le Figaro’, duke e parë si shqetësim madhor problemin me emigrimin e paligjshëm të shqiptarëve.
Sipas artikullit rezulton të ketë tension mes dy qeverive për problemin e emigrantëve që shkojnë në Francë, kryesisht azilkërkuesve. “Me 2.9 milion banorë. Një e treta e popullsisë tashmë e ka lënë vendin dhe provojne të vendosen diku nëpëer Eruopë. Ministri i Brendshem është në kryeqytetin e këtij shteti të goditur, ish-vend komunist, i minuar nga dyshimet e përsëritura të korrupsionit, për dy ditë maratone diplomatike. Qëllimi: të vendosen njëherë e përgjithmonë dallimet midis Tiranës dhe Parisit për çështjen e migracionit”, thuhet në artikull.
