Laçi ka dhuruar surprizën e dytë të madhe pas Lushnjes që mposhti kampionët e Kukësit në këtë fundjavë emocionuese të futbollit shqiptar. Kubinasit arritën një fitore të artë, teksa e mposhtën Skënderbeun e Ilir Dajas me rezultatin e ngushtë 1-0. Goli vendimtar u shënua nga Uzuni në minutën e 46-të.
Pjesa e parë e takimit pati për protagonist portierët e të dyja ekipeve që dhuruan pritje fantastike. Në fillimin e të dytës Uzuni tronditi korçarët me një gol të bukur nga jashtë zonës, duke e nxjerr ‘nokaut’ portierin Shehi.
Kurbinasit treguan aftësi në menaxhimin e avantazhit deri në fund të takimit, ndërsa i dhuruan Skënderbeut kryesues shijen e hidhur të humbjes për të parën herë në këtë kampionat.
Për të parë golin e ndeshjes KLIKO KËTU:
