Brukseli duket se ka bërë edhe njëherë bashkë kryeopozitarin Lulzim Basha dhe kryeministrin Edi Rama. Teksa vendi është goditur nga përmbytjet dhe situata mbetet ende kritike, Basha dhe Rama do të zhvillojnë takime të nivelit të lartë në Bruksel. Kreu i mazhorancës pritet që sot të zhvillojë një vizitë zyrtare në Bruksel, si i ftuar nga shefja e politikës së jashtme në BE, Mogherini.
Në këtë takim do të jenë pjesëmarrës të gjithë kryeministrat e vendeve të Ballkanit. Ndërkohë, kryedemorati Basha do të jetë në Bruksel për takime me pjesëtarë të PPE. Edhe pse destinacioni është i njëjtë, askush nuk e di nëse dy liderët politikë do të jenë në të njëjtin avion apo jo.
