Dita e sotme është pasuar me reshje dëbore në disa zona të vendit. Madje në Kukës ka patur vështirësi në qarkullim. Por e nesermja vjen ndryshe. Sipas Meteoalb, do të ketë një rritje temperaturash.
“Kthjellime e vranësira të lehta dominojnë thuajse gjithë vendin por vranësira të shpeshta e reshje të pakta do ketë ekstremin Verior dhe Verilindor në orët e para të ditës. Pasditja sjell kthjellime e vranësira të lehta në bregdet dhe zonat e ulëta ndërsa vranësira të dukshme do ketë në zonat Lindore deri në mbrëmje kur moti rikthjellohet në të gjithë territorin. Temperaturat e ajrit do të rriten lehtë gjatë mëngjesit por rritje me 2 – 3°C do të shënojnë vlerat termike të mesditës.”- shkruan Meteoalb.
