Lëvizja Socialiste për Integrim do të mbledhë mbrëmjen e sotme kryesinë e saj.
Mbledhja mësohet se do të zhvillohet në orën 19:00 në ambientet e LSI-së.
Lajmi është paralajmëruar nga këshilltari i Ilir Metës.
Mbrëmjen e djeshme, Meta ishte i ftuar i Edi Ramës në restorantin në ambientet e kryeministrisë. Darka mes tyre ka zgjatur disa orë, ndërsa nuk ka asnjë informacion se çfarë është diskutuar, por vetëm disa aludime mediatike.
Kjo mbledhje vjen edhe pas zhvillimeve të fundit politike, ku prej ditësh opozita ka “pushtuar” sheshin, nën kërkesën e vetme, qeveri teknike, që të garantojë zgjedhje të lira e të ndershme. Jo vetëm kaq, por opozita i ka adresuar edhe një ftesë Metës, që të përqafojë këtë kauz.
