Biznesmeni Eral Myftaraj është paraqitur këtë të hënë në ambientet e Prokurorisë së Posaçme Kundër Korrupsionit dhe Krimit të Organizuar (SPAK).
Ende nuk dihen arsyet zyrtare të paraqitjes së tij në prokurori dhe nuk ka një reagim nga SPAK lidhur me statusin në të cilin është thirrur.
Disa kohë më parë, emri i biznesmenit u përmend në një dosje hetimore, ku pretendohej se ai ishte shantazhuar nga një grup kriminal në lidhje me tenderë publikë. Hetimet për atë çështje vijuan nga organet ligjzbatuese, ndërsa nuk është konfirmuar nëse paraqitja e tij e sotme në SPAK lidhet me të njëjtën procedurë apo me një hetim tjetër. a.b
