Janë bërë publike votat e gjyqtarëve të Gjykatës Kushtetuese lidhur me vendimin për rrëzimin e kërkesës së ish-presidentit Ilir Meta për heqjen e masës së sigurisë “arrest në burg”.
Sipas informacionit, tre gjyqtarë votuan pro pranimit të kërkesës së Metës, duke mbështetur lirimin e tij. Ata janë: Marsida Xhaferrllari, Sonika Bejtia dhe relatorja e çështjes Marjana Semini.
Ndërkohë, pesë gjyqtarë votuan kundër kërkesës së ish-presidentit, duke mbështetur vijimin e masës së sigurisë “arrest në burg”. Kundër lirimit të Metës votuan: Fiona Papajorgji, Sandër Beci, Asim Vokshi, Gent Ibrahimi dhe Ilir Toska.
Me shumicë votash, Gjykata Kushtetuese vendosi rrëzimin e kërkesës së Ilir Metës, duke lënë në fuqi vendimet e mëparshme të gjykatave që kanë caktuar ndaj tij masën e sigurisë “arrest në burg”.
