Pak javë pas ekstradimit të tij nga Dubai, Gjykata e Posaçme kundër Korrupsionit dhe Krimit të Organizuar (GJKKO) ka vendosur kalimin për gjykim të dosjes ndaj Durim Bami dhe disa personave të tjerë të akuzuar nga Struktura e Posaçme kundër Korrupsionit dhe Krimit të Organizuar (SPAK).
Në të njëjtën çështje penale nën akuzë janë edhe Aldo Avdyli, Edson Jozwik, Henerigert Mitri, Marklen Haka, Altin Morina dhe Jozi Kraja.
Sipas hetimeve të Prokurorisë së Posaçme, të pandehurit dyshohet se janë të përfshirë në disa episode kriminale, përfshirë tentativë vrasjeje, sigurim kushtesh për të kryer vrasje, si dhe kultivim të lëndëve narkotike.
Dosja hetimore është ndërtuar mbi prova të mbledhura nga SPAK gjatë hetimeve disamujore, ndërsa tashmë çështja pritet të shqyrtohet në themel nga GJKKO.
Vendimi për kalimin e dosjes për gjykim vjen vetëm pak javë pasi Durim Bami u ekstradua nga Dubai drejt Shqipërisë. a.b
