Oborri Mbretëror Shqiptar ka njoftuar zyrtarisht martesën e Lartësisë së Tij Mbretërore, Leka II, me zonjushën Blerta Celibashi.
Sipas komunikatës zyrtare të Oborrit Mbretëror, ceremonia e martesës është zhvilluar në një atmosferë private, duke ruajtur karakterin intim dhe solemn të këtij momenti për çiftin dhe familjen mbretërore.
Me rastin e këtij lajmi është publikuar edhe fotografia zyrtare e çiftit, e realizuar në Kështjella Apponyi në Sllovaki. Zgjedhja e këtij vendi historik lidhet me faktin se kështjella ka qenë rezidencë e familjes fisnike të Mbretëresha Geraldinë. Përzgjedhja e këtij ambienti u bë për të nderuar trashëgiminë dhe origjinën e saj hungareze, e cila konsiderohet një pjesë e rëndësishme e historisë së Familjes Mbretërore Shqiptare.
Pas kurorëzimit të martesës, Blerta Celibashi do të mbajë mbiemrin e familjes mbretërore Zogu dhe titullin Princeshë e Shqiptarëve.
Në njoftim thuhet se Familja Mbretërore shqiptare e ndan këtë lajm të gëzueshëm me kombin shqiptar, si edhe me miqtë dhe mbështetësit e saj në mbarë botën.
Komunikata është bërë publike nga Oborri Mbretëror Shqiptar në Tiranë, më 15 mars 2026.m.k
