Drejtoria Vendore e Policisë Tiranë ka njoftuar për dy raste të veçanta dhune për shkak të detyrës, të ndodhura në kryeqytet, ku një person është shpallur në kërkim dhe një tjetër është arrestuar.
Specialistët për Hetimin e Krimeve të Komisariatit të Policisë Nr. 2 kanë shpallur në kërkim shtetasin Klesti Cela, i cili dyshohet se një ditë më parë, së bashku me tre persona ende të paidentifikuar, ka goditur për shkak të detyrës shtetasin Fatmir Meta, drejtor i Drejtorisë së Ekzekutimit të Vendimeve pranë Inspektorati Kombëtar i Mbrojtjes së Territorit (IKMT), brenda ambienteve të këtij institucioni. Policia bën me dije se po punohet për identifikimin e personave të tjerë të përfshirë dhe për sqarimin e plotë të rrethanave të ngjarjes.
Ndërkohë, specialistët për Hetimin e Krimeve të Komisariatit të Policisë Nr. 3 kanë arrestuar shtetasin Eugen Saliasi, 34 vjeç, punonjës i Policisë Bashkiake, pasi dyshohet se ka goditur për shkak të detyrës eprorin e tij, Alfred Xhoxhaj, në ambientet e punës.a.b
