Një 35-vjeçar i shpallur në kërkim ndërkombëtar është vënë në pranga në qytetin e Dibrës, gjatë një operacioni policor ku mbeti i plagosur edhe një efektiv i forcave “Shqiponja”.
Sipas njoftimit zyrtar, në pranga është vënë Klodian Llomi, i njohur edhe me mbiemrin Mazari. Ai ishte në kërkim pasi rezulton i dënuar në Itali për veprat penale “Organizatë kriminale”, “Shfrytëzim prostitucioni” dhe “Trafikim i lëndëve narkotike”. 35-vjeçarit i kanë mbetur për të vuajtur edhe 6 vite e 7 muaj burgim.
Gjatë operacionit për kapjen e tij, një efektiv i forcave “Shqiponja”, Gentjan Meda, 40 vjeç, ka mbetur i plagosur. Sipas policisë, ai dyshohet se është rrëzuar nga lartësia, nga një mur rrethues i një banese trekatëshe, duke pësuar dëmtime trupore gjatë ndërhyrjes për arrestimin e të kërkuarit.
Fillimisht, efektivi u transportua në spitalin e Peshkopisë për ndihmë mjekësore, ndërsa më pas u dërgua me helikopter drejt Tiranës për trajtim më të specializuar.
Policia po vijon veprimet procedurale për dokumentimin e plotë të ngjarjes.a.b
