Mbrojtja ajrore njoftoi sot pasdite se një raketë iraniane ra mbi zonën e Dubai Marina, me tym dhe shpërthime afër kullës Burj Khalifa.
Burj Khalifa është evakuuar si masë sigurie, për shkak të alarmit raketor dhe eksplozioneve në qytet, por godina nuk është goditur
Qielli mbi Dubain është ndriçuar nga gjurmët e raketave dhe flakët e ndërceptimeve, pasi Irani ka lëshuar një valë sulmesh me raketa ndaj disa vendeve të Gjirit, duke përfshirë edhe Emiratet e Bashkuara Arabe. Dëshmitarë nga qyteti raportojnë shpërthime të fuqishme dhe zhurma të forta gjatë natës, ndërsa videos të publikuara në rrjetet sociale tregojnë sistemet e mbrojtjes ajrore teksa godasin objektiva në ajër mbi zonat urbane.
Autoritetet e sigurisë në Emirate kanë konfirmuar se raketa iraniane janë synuar drejt territorit të tyre, por shumica janë ndërprerë nga mbrojtja ajrore, ndërsa disa copa debris kanë rënë në zona të ndryshme. Në Abu Dhabi raportohet të paktën një i vdekur dhe disa të plagosur nga rënia e mbetjeve, ndërsa në Dubai deri tani nuk ka njoftime për viktima, por ka panik mes banorëve dhe udhëtarëve.
Sulmet vijnë si kundërpërgjigje e Teheranit ndaj goditjeve të SHBA-së dhe Izraelit mbi objektiva ushtarake në territorin iranian, duke e zgjeruar konfliktin në të gjithë rajonin e Gjirit. Shpërthime dhe sirena alarmi janë raportuar njëkohësisht në Abu Dhabi, Doha, Riad dhe pranë bazave amerikane në disa shtete fqinje, gjë që po ushqen frikën për një përshkallëzim të mëtejshëm në një luftë të gjerë rajonale.
Ministria e Punëve të Jashtme e Emirateve ka dënuar ashpër sulmet, duke i cilësuar ato “agresion flagrant” dhe duke deklaruar se vendi ruan të drejtën e plotë për t’u përgjigjur për të mbrojtur sovranitetin dhe qytetarët e tij. Njëkohësisht, autoritetet kanë mbyllur përkohësisht hapësirën ajrore në mënyrë të pjesshme dhe kanë pezulluar disa fluturime, ndërsa aeroportet në Dubai dhe Abu Dhabi po punojnë me procedura emergjente sigurie.
Ndërkohë, komuniteti ndërkombëtar po bën thirrje për përmbajtje, me shqetësimin se goditjet ndaj qendrave ekonomike si Dubai mund të kenë pasoja të rënda për tregjet globale të energjisë dhe financave. Analistët paralajmërojnë se nëse sulmet ndaj qyteteve të Gjirit dhe bazave amerikane vazhdojnë, rajoni mund të përballet me një krizë të zgjatur sigurie, ekonomike dhe humanitare. a.b
